Koordinatori Nacional për Kulturë, Rini dhe Sport i Kosovës Rexhep Hoti, dhe drejtori i Departamentit të Rinisë në kuadër të kësaj Ministrie Xhevat Bajram gjatë ditës së sotme kanë qëndruar në Bujanoc ku kanë zhvilluar takime me krerët institucional të këtushëm.
Hoti, fillimisht u prit në takim nga kryetari i komunës së Bujanocit, Shaip Kamberi, me të cilin bisedoi për bashkëpunimin konkret në sferën e kulturës, përkrahjes së projekteve që kanë të bëjnë me rini dhe mundësia e fillimit të bashkëpunimit në përgaditjen profesionale e kuadrove të reja.
Me këtë rast Koordinatori Nacional për Kulturë, Rini dhe Sport i Kosovës Rexhep Hoti, në Bujanoc për herë të parë, shpalosi projektin Nacional që së shpejti do të filloj të implementohet e që ka të bëjë me garimin në dije, kulturë dhe sport.
Pas takimit në një prononcim për medie , kryetari i Komunës së Bujanocit, Shaip Kamberi, theksoi se me zëvendësministrin Hoti, kemi biseduar për rrjedhat politike dhe kulturore në Bujanoc, për mundësinë që edhe Komuna e Bujanocit, të kyçet në një projekt të veçantë ndërnacional, të cilin e ka nisur Ministria e Kulturës të Republikës së Kosovës, dhe së Bujanoci, është vendi i parë ku po promovohet ky projekt.
“Komuna e Bujanocit, është e gatshme të përkrahë çfardo iniciative dhe të nis iniciativa të veta për bashkëpunim me institucionet e Republikës së Kosovës në frymën e bashkëpunimit kulturor, e që janë në interes të qytetarëve tanë” ka deklaruar Kamberi.
Koordinatori Nacional për Kulturë, Rini dhe Sport i Kosovës Rexhep Hoti , theksoi se, ka ardhur në Bujanoc, për të shpalosur një projekt të garave në kulturë, sport e arsim. Bëhet fjalë për një projekt që përfshin brezin parashkollor, deri te studentët para mbarimit të studimeve. Është projekt që përfshin fushat sporti, dituria dhe kreativiteti kulturor.
Koordinatori Nacional për Kulturë, Rini dhe Sport i Kosovës Rexhep Hoti, po ashtu zhvilloi takimin dhe me kryetarin e KKSH-së, Shukri Ymeri.
Ymeri me këtë rast tha se ky takim cilësohet takim i shpresës, miqësor e vëllezëror.Ymeri tha se zëvendësministri Hoti kishte ardhur me një projekt nacional që në të përfshihet edhe lugina. Për ne është i mërseardhur dhe ne si Këshill Kombëtar do ta mbështesim që nxënësit e shkollave tona ta shohin veten si qëndrojnë me shokët e tyre në Kosovë.
E Koordinatori Nacional për Kulturë, Rini dhe Sport i Kosovës Rexhep Hoti tha se ky është një projekt për njerëzit e vegjël që duhet të rriten duke mësuar dhe duke bërë gara mes tyre. Hoti tha se e vecanta e këtij projekti është se nuk është vetën një nacional. Ne këtë ofertë zyrtarisht do të ia afrojmë edhe Beogradit.
Koordinatori Nacional për Kulturë, Rini dhe Sport i Kosovës Rexhep Hoti gjatë ditës së sotme u takua dhe me drejtorin e shtëpisë së kulturës./Lugina Press/
[youtube url=”https://www.youtube.com/watch?v=WbAwZOUs_DI ” width=”560″ height=”315″]











