“Kryeministri ka kërkuar edhe nga unë personalisht, që si kryetar i Komunës më të madhe në regjion, të kujdesem dhe angazhohem në kuadër të programit të bashkëpunimit ndërkufitar dhe ndërkomunal për Prshevën, Bujanocin dhe Medvegjën sepse është interes i përbashkët dhe jetik që qytetarët të jetojnë atje, e të mos lëvizin në drejtim të Kosovës. Të shkollohen, të kontribuojnë dhe të kthehen në vendin e tyre”, ka deklaruar pas takimit kryetari i Komunës së Gjilanit, Lutfi Haziri.
Ndërsa, kryeministri i Republikës së Kosovës, Isa Mustafa, është shprehur se takimet e tilla mungojnë ne nivel qendror, duke vlerësuar lartë takimet e mëhershme të regjionit të organizuara nga Komuna e Gjilanit, për të cilat tha se janë arritur rezultate të mira.
“Vërtetë mund të them se neve na mungojnë takime të tilla në nivel qendror. Ka pasur takime të përbashkëta në Komunën e Gjilanit dhe me këtë regjion dhe mund të them se janë arritur rezultate të mira sepse është krijuar një komunikim. Ne jemi të interesuar që edhe më tutje ta thellojmë bashkëpunimin. Është e drejtë e jona që të ndihmojmë për zhvillimin ekonomik, arsimor e kulturor sepse ne jetojmë në Europë dhe karta europiane dhe e qeverisjes lokale përmban në vetvete edhe këtë formë të bashkëpunimit”, ka thënë kryeministri Mustafa.
Nga ana e tyre, përfaqësuesit e komunave të Preshevës, Bujanocit dhe Medvegjës, kanë falënderuar kryeministrin Mustafa dhe kryetarin Haziri për takimin, duke thënë se ky takim ishte shumë i frytshëm, inkurajues dhe motivues për shqiptarët e Luginës së Preshevës.
Kamberi priti kryesuesen e Kuvendit Komunal të Gjilanit Valentina Bunjaku Rexhepi
Kryesuesja e Kuvendit Komunal të Gjilanit, njëherit kryetare e Forumit të gruas së LDK-së në Gjilan, Valentina Bunjaku Rexhepi, së bashku me ekipin e saj, vizituan komunën e Bujanocit.
Kryetari i komunës së Bujanocit Shaip Kamberi ka pritur sot në kabinetin e tij kryetaren e Kuvendit Komunal të Gjilanit, Valentina Bunjaku Rexhepi me bashkëpunëtoret e saj.
Në takimin në mes përfaqësuesëve të komunës së Gjlanit dhe Kryetarit kamberi u bisedua për bashkëpunimin e ngushtë në mes tyre.
Me këtë rast Valentina Bunjaku Rexhepi i ofroi bashëkpunim në sfera të ndryshme si në arsim, bashkëpunim në përfaqësimin e femrës në jetën institucionale dhe politikë, bashëpunimin e shoqërisë civile dhe sferat tjera.
Ndërkaq Kryetari Kamberi falënderoi kryesuesen e Kuvendit Komunal të Gjilanit, Valentina Bunjaku Rexhepi për vizitën e saj dhe ofrimin e bashkëpunimit .
Valentina Bunjaku Rexhepi njëherit është dhe kryetare e Forumit të gruas së LDK-së në Gjilan
Art në dru nga Lugina e Preshevës (video)
Në emisionin e Top Channel “Në shtëpinë tonë”, të realizuar nga gazetari Valon Gashi ka takuar artistin nga Lugina e Preshevës Nagip Taipin i cili ka bërë vepra të shkëlqyera në dru.
[youtube url=” https://www.youtube.com/watch?v=esFpFKaOM2k ” width=”560″ height=”315″]
Ky është talenti i ri nga Lugina në futbollin Belg(foto)

Granit Veseli i lindur në fshatin Corroticë të komunës së Preshevës por që jeton së bashku me familjen e tij në Bruksel të Belgjikës tashmë po ecë drejtë suksesit të gjeneratës u14 .
Granit Veseli një talent i ri shqiptar nga komuna e Preshevës ka filluar të shkëlqejë në fushën e futbollit duke u cilësuar një talent i ri për futbollin Belg.
Pas shumë sukseseve që kishte dhe shumë herë golashënuesi dhe cilësimit lojtari më i mirë i vitit në dy klubet e tij FC “Fores” dhe Fc ” Jet Bruxsel” , tani më po shkon drejtë suksesit të gjeneratës u14.
Pas shtatë vietve qëndrim në shtetin e Belgjikës sot një lojtarë kyqë për klubin “Bx Bruxel” .
Në vitin 2017-2018 do të jetë pjesë e Akademisë Tubiz në Belgjikë, një akademi që formojë lojtarë të mëdhenjë si Hazard dhe shum ikona të tjera. Familja e talentit të ri është nga fshati Corroticë i komunës së Preshevës por që jetonë në Belgjikë /Lugina Press/
Rubrika “ Pasqyra javore “ mbështetet nga Ministria për Kulturë dhe Media e Republikës së Serbisë. Shkrimet e botuara në këtë rubrikë nuk paraqesin politikat e kësaj ministrie.















