Me moton “TË BASHKUAR NË FITORE” Lëvizja e Progresit Demokratik në Bujanoc ka mbajtur konventën e saj solemne në pragë të zgjedhjeve lokale të 24 prillit.
Në sallën e madhe të shtëpisë së kulturës në Bujanoc Lëvizja e Progresit Demokratik ka mbajtur konventën e saj solemne në pragë të zgjedhjeve lokale të 24 prillit me moton “TË BASHKUAR NË FITORE” Simpatizantë të shumtë të Lëvizjes së Progresit Demokratik kanë marrë pjesë në konvnetën solemne të këtij subjekti politik.
Në këtë konventë përveç simpatizantëve të këtij subjekti politik kanë marrë pjesë edhe përfaqësues politik e institucional të shqiptarëve nga Lugina dhe Maqedonia, duke filluar nga Nagip Arifi kryetar i PD-së njëherit kryetar i komunës së Bujanocit, Ragmi Mustafa kryetar i PDSH-së njëherit kryetar i komunës së Preshevës pastaj zëvendës kryeministri i Maqedonisë Musa Xhaferi, Xhemail Jashari vëllau i dëshmorit të kombit Ismet Jashari. 
Konventën e drejtoi Nevzad Lutfiu. Fillimisht fjalën përshëndetëse e mori kryetarja e forumit të gruas e LPD-së, Fatlume Lutfiu.
Ndërkohë të pranishmit i falënderoi dhe kryetari i forumit rinor Valmir Beqiri, i cili tha se me antarsimet e reja kryesisht nga të rinjët e Bujanocit po tregon fuqinë dhe rrespektin që po i bëhet Lëvizjës së Progresit Demokratik.
Në fjalën përshendetëse kryetari i komunës së Preshevës, Ragmi Mustafa i dha një mbështetje të fuqishme LPD-së duke ftuar qytetarët që të përkrahin njeriun e luftës dhe të paqës Jonuz Musliun.
Kryetari i PD-Së Nagip Arifi njëherit kryetari i Bujanocit Nagip Arifi në fjalën e tij përshëndetës i uroi suksese LPD-së.
Para të pranishmëve foli dhe zv. kryeministri i Maqedonisë Musa Xhaferi, i cili me këtë rast ftoj të gjithë partitë të jenë të unifikuara në zgjedhjet e ardhshme.
Në konventë fjala e rastit iu dha edhe Xhemail Jasharit, ish i burgosur politik,vëllai i dëshmorit të kombit Ismet Jashari të cilit i pëlqeu moto e LPD-së “Të bashkuar, Në fitore” e që tha se të bashkuar do të fitojnë shqiptarët në Bujanoc dhe asnjëherë nuk duhet të ndahen.
Jashari po ashtu para të pranishmëve foli për historikun e luftës së Ushtrisë Çlirimtare të Kosovës, dhe ate e Ushtrisë Çlirimtare të Preshevës, Medvegjës dhe Bujanocit, i cili kujtoi momente që kishin kaluar me liderin e LPD-së Jonuz Musliu.
Krejt në fund Kryetari i Lëvizjes së Progresit Demokratik, Jonuz Musliu, i përshëndeti të gjith të pranishmit dhe i falënderoi që iu kanë përgjigjur ftesës së LPD-së. Musliu me këtë rast tha se në zgjedhjet e 24 prillit LPD në listë do të garoj me numrin 5. Numrin 5 është i shkëlqyshëm në shkollë për nxënësit dhe numër i shkëlqyshëm për LPD-në në zgjedhjet e ardhshme të 24 prillit tha me këtë rast Musliu.
Ndërkohë u ndanë mirënjohje për ata të cilët kontribuan për një dekadë për Lëvizjën e Progresit Demokratik./Lugina Press/
[youtube url=” https://www.youtube.com/watch?v=z5vdav-MQFI&feature=autoshare ” width=”560″ height=”315″]












