Në Bujanoc me suksese është zhvilluar seminari “Teknikat e të mësuarit-nxënit” me mësimdhënësit e shkollave fillore dhe të mesme të komunës së Bujanocit.
Seminari është zhvilluar online përmes platformës ZOOM, i organizuar nga grupa 484 në bashkëpunim me Trupin Koordinues, organ i Qeverisë së Republikës së Serbisë për Preshevë Bujanoc dhe Medvegjë.
Trajnimi “Teknikat e të Nxënit” është akredituar nga Instituti për Avancimin e Arsimit, ndërkaq trajnerët e seminarit ishin Biljana Mihaloviç dhe Natasha Stojanoviç, me mbështetjen e dy mentorëve të tjerë të përfshirë në projekt, Sasha Glamoçak dhe Jelena Stojanoviç.
Trajnimin e hapi Ivana Seratliç nga grupa 484 e cila falënderoi mësimdhënësit e seminarit nga të gjitha shkollat, më pas trajinimi i zhvillua nga trajnerët i cili edhe pse në platormën online pati një bashëpunim të mirë nga të gjitha anët.
Në këtë seminar u zhvilluan temat: Teknikat e të nxënit nga këndi profesional i arsimtarëve dhe rezultatet e hulumtimit,Prezantimi i teknikave të ndryshme të të nxënit në mësimdhënien e përditshme,Mundësitë e zbatimit të teknikave interaktive në lëndë të caktuara ,Shkathtësitë metakognitive në zhvillimin individual të nxënësit.
Vlenë të theksohet se seminari u zhvilluar në dy gjuhë me ndihmën e përkthyesëve, Bejtullah Mustafa,Fatos Mustafa e Fidan Fejzulli.
Seminari përveç që kishte karakterin e mësuarit, rezultoi dhe me një karakter shoqërues në mes mësidhnënësve shqiptar dhe serb të shkollave filllore dhe të mesme të komunës së Bujanocit.
“Projekti” Qyteti ynë, shkollat tona “realizohet nga Trupi Koordinues i Qeverisë së Republikës së Serbisë për komunat e Preshevë, Bujanoc dhe Medvegjë në partneritet me Grupin 484, si dhe me 11 shkolla partnere në komunën e Bujanocit me mbështetjen e Fondacionit të Fëmijëve Pestalozzi”./Lugina Press/












