Është zhvilluar sot senaca e shtatë e Këshillit Komunal të Bujanocit.
Ndër pikat kryesore të kësaj seance ishte pika e parë e cila u propozua në fillim të seancës nga kryetar i komunës së Bujanocit, vendimi mbi nisjen e shuarjes së ndarmarrjes direksioni për ndërtim në Bujanoc e cila u votua nga të gjithë këshilltarët komunal.
Kryetari i komunës së Bujanocit Shaip Kamberi tha se ky është një vendim në mënyrë që përfundimisht të rrespektohen normat ligjore të shuarjes së ndërrmarrjes publike për ndërtim e njëkohësisht të rregullohet statusi i punëtorëve të kësaj ndërmarrje.
Kamberi po ashtu theksoi se ky vendim po sa të votohet edhe nga Kuvendi Komunal më pas administrata publike dhe ndërrmarrja komunalia të shpallin konkurs intern për pranimin e këtyre punëtorëve.
Në seancën e sotme po ashtu është dhënë raporti i punës me raportin financiar i bibliotekës “14 nëntori”, i shtëpisë së kulturës, organizatës turistike dhe raporti i punës së bashku me atë finaciarë i qendrës për punës sociale në Bujanoc.
Ndërkaq në këtë seancë po ashtu është formuar komisioni për ndarjen e subvencioneve për zhvillimin e bujqësisë nga konkurset që do të shpallen nga komuna e Bujanocit.
Po ashtu është aprovuar edhe kërkesa e shtëpisë së shëndetit në Bujanoc për pranimin e dy mjekëve në kohë të caktuar.
Në seacë janë ndarë dhe mjete prej afro 200 mijë dinarëve për shpërblimin e nxënësve të dalluar të nacionalitetit romë./Lugina Press/
