Në Tërnoc të Bujanocit është shënuar sot dita e shkollës fillore ”Muharrem Kadriu”.
Fillimisht u vënë kurora lulesh pranë varrit e më pas laipadrit të Muharrem Kadriut.Ndërkohë është zhvilluar ndeshje futbollistike në mes nxënësve të kësaj shkolle dhe atyre të shkollës fillore”Ali Bektashi” nga Neslca.
E programi për shënimin e ditës së shkollës nisi, me himnin kombëtare dhe atë të shkollës.
Të pranishëm në këtë manifestim ishin nxënës, mësimdhënës , prindër , ish arsimtarë të kësaj shkolle, dhe përfaqësues të pushtetit lokal të Komunës së Bujanocit ata të KKSH-së dhe djali i i Muharrem Kadriut , Hedvig Kadriu me familje.
Me këtë rast para të pranishmëve drejtori i kësaj shkolle Naser Zairi theksoi se shkolla jonë mbanë emrin Muharrem Kadriu, emër të cilën e mban me nderë dhe krenari.
“Nëntori në historinë shqiptare njihet si nëntor I gjakut dhe I lirisë,andaj pa një sakrificë të tillë,vështirë se do të ishim këtu,ku jemi sot. Pra,një kontribut të veçantë në këtë drejtim,padyshim se e ka dhënë,figura më markante e kësaj treve Muharrem Kadriu. Itinerari I rrugëtimit të Muharrem Kadriut nuk ishte I shtruar me lule dhe kalldërm,por ishte një rrugë me plot therra,ku gjembat mbi të cilët duhej të ecte,ishte I vështirë,e të vështirë e bënte koha në të cilën jetonte dhe vepronte.Muharrem Kadriu qëndroi I paluhatur në këtë rrugëtim,andaj jetën e tij e vuri në shërbim të popullit theksoi mes tjerash Naser Zairi.
Të pranishmit i përshëndeti dhe Hedvig Kadriu djali i Muharrem Kadriut.
E Ragmi Mustafa kryetar i KKSH-së në fjalimin e tij kujtoi mungesën e e teksteve mësimore kur edhe ai ishte nxënës i po kësaj shkolle.
“Sot është dita e shkollës fillore “Muharrem Kadriu” Tërnoc. Dita kur kujtojmë përkushtimin dhe sakrificën e gjitha atyre që kontribuan në hapjen e zhvillimin e mësimnxënjes në këtë fshat.
Që kur isha në bankat e kësaj shkolle, ndër të tjera, kujtoj mungesën e teksteve mësimore.
Mos lejimi teksteve mësimore nuk është qëllimi përfundimtar. Mos nxënia e dijes po. Por, përkushtimi i mësimdhënësve dhe veteranëve të arsimit të kësaj shkolle ka triumfuar.
Ashtu do të triumfojmë edhe në realizimin e objektivave të përbashkëta për arsimin. Andaj, urime dita e shkollës. Urime nxënës e mësimdhënës” u shpreh Mustafa.
Ndërkaq shënimin e ditës së shkollës e zbukuroi programi me këngë, valle e recitime nga nxënësit e kësaj shkolle.
Vlenë të theksohet se ndër të tjera me mirënjohje u nderua mësueseja Emine Jakupi për përvojën e saj 40 vjeçare.
Me këtë rast janë shëprblyer dhe punëtorët me nga 10 vjet përvoj pune me 30 dhe 35 vjet përvoj pune./Lugina Press/














