Reagon Nexhmedin Saqipi
Pas inaugurimit të Myftiut të Meshihatit të Serbisë në Novi Pazar, në të cilin solemnitet merrte pjesë edhe Myftiu Naim Tërnava nga Kosova, nxiti reagimin e homologut të tij Nexhmedin Saqipi, kryetar i Bashkësisë Islame për Preshevë, Medvegjë dhe Bujanoc.
Nexhmedin Saqipi e porositë Myftiun Tërnava, që të kthehet nga Tirana, të bashkëpunoj me Bashkësitë Islame Shqiptare, në mënyrë që të krijoj një Union bashkësishë shqiptare, e jo të veprojë të kundërtën, duke i përçarë ata në shumë organizime fetare. Ne e kuptojmë se Tërnava Bashkësinë Islame të Kosovës e ka bërë pa identitet dhe dinjitet dhe çdo ditë po e humb kontrollin ndaj saj. Po ja bëj me dije Tërnavës se Kibla e shqiptarëve është Tirana e jo nga Sarajeva.
“As Dudiqi e as Zurkoliqi, nuk ia zgjedhin problemet dhe përgjegjësitë, që ai vetë i ka krijuar. Po, ia kujtojmë Tërnavës se në vitin 1992, ishin po këta njerëz, të cilët për herë të parë e ndanë Bashkësinë Islame të Sanxhakut nga Kosova, si dhe Ish Reisi Ceriq, i cili me “puç” arriti ta dëboj përfaqësuesin e shqiptarëve Jakup ef.Selimovski, nga Qendra e Riasetit e cila ishte në Sarajeve. Po, shihet qartë se në çfarë pozite e ka sjell BIK –un Tërnava, i cili po kërkon ndihmë, që të legjitimohet nga Duduqi dhe pioni i Ceriqit, ndërsa me shqiptarë as që po i intereson të shtrij dorën e pajtimit, kjo është mentaliteti i mendësisë Mubarakiane, thuhet mes tjerash në reagimin e Nexhmedin Saqipit, kryetar i Bashkësisë Islame për Preshevë Bujanoc dhe Medvegjë dhe Bujanoc./JehonaISLAME/
