Edhe java që e lam pas në komunat e Bujanocit, Preshevës dhe Medvegjës është karakterizuar me ngjarje të shumta të karakterit politik, social, kulturor, ekonomik dhe sportiv.
Deputeti i vetëm shqiptar në Serbi, kërkon që Lugina të bëhet pjesë e dialogut
Hasani, në emisionin “Info Box” të RTV Dukagjini, ka thënë se treni i nisur nga Beogradi për në Mitrovicë, ka qenë provokim i palës serbe, për arsye se, sipas tij, nuk ka ardhur si pasojë e një marrëveshje ndërshtetërore.
“Kemi dhënë deklarata për mediat në Beograd, ku kemi vlerësuar së ky tren është dashur të niset me marrëveshje ndërshtetërore, pa ikona dhe pa transparente…”, ka theksuar Hasani, transmeton Telegrafi.
Ai më tutje ka thënë se ai si deputet është më i padëshiruari në Parlamentin e Serbisë, i cili përbëhet nga gjithsej 250 deputetë.
Hasani ka thënë se ai si deputet do ta ngriste çështjen e bashkimit të Luginës së Preshevës me Kosovën, vetëm në rast se sipas tij, kjo ide i propozohet nga institucionet e Kosovës dhe Shqipërisë./Telegrafi/
Bujanoc: Sot soleminisht u bë pranim dorëzimi i donacionit nga Qeveria e Japonisë
Sekretari i parë i Ambasadës së Japonisë Yamato Masayoshi vizitoi komunën e Bujanocit.
Me këtë rast sot edhe soleminisht u bë pranim dorëzimi i donacionit të siguruar nga Qeveria e Japonisë me vlerë prej afër 110 mij euro.
Për nevojat e Shtëpisë së shëndetit në Bujanoc është siguruar një autoambulancë ndërsa për nevojat e Komunalisë një cisternë për ujë të pijshëm.
OSBE shton vëmendje për Luginën e Preshevës
Sot Ambasadori i OSBE-së në Beograd Andrea Orizio priti në takim kryetarin e PVD-së Riza Halimin, kryetarin e Bujanocit Shaip Kamberin dhe deputetin popullor Fatmir Hasanin.
Në këtë takim siç mësohet OSBE do të shtoj vëmendjen për Luginën e Preshevës duke kërkuar që edhe qendra e saj në Vjenë të jetë prezente në rajon./Lugina Press/
Hasani: Treni të niset me marrëveshje ndërshtetërore dhe pa ikona
Deputeti popullor i Parlamentit të Serbisë, Fatmir Hasani, ka theksuar se shpreson që çështja e Luginës së Preshevës do të futet si pjesë e dialogut në mes Kosovës dhe Serbisë.
Hasani në emisionin “Info Box” të RTV Dukagjini, ka thënë se treni i nisur nga Beogradi për në Mitrovicë, ka qenë provokim i palës serbe, për arsye se, sipas tij, nuk ka ardhur si pasojë e një marrëveshje ndërshtetërore.
“Kemi dhënë deklarata për mediat në Beograd, ku kemi vlerësuar së ky tren është dashur të niset me marrëveshje ndërshtetërore, pa ikona dhe pa transparente…”, ka theksuar Hasani.
Ai më tutje ka thënë se ai si deputet është më i padëshiruari në Parlamentin e Serbisë, i cili përbëhet nga gjithsej 250 deputetë.
Hasani ka thënë se ai si deputet do ta ngriste çështjen e bashkimit të Luginës së Preshevës me Kosovën, vetëm në rast se sipas tij, kjo ide i propozohet nga institucionet e Kosovës dhe Shqipërisë.
Koordinimi i punëve rreth realizimit të projekteve në Luginë
Dje, kryetari i BIPBM-së dhe z/reisi i Rijasetit, Nexhmedin ef. Saqipi, priti një delegacion nga përfaqësuesit e Organizatës “LIZA”, të përbërë nga kryetari i saj Mensur Morina.
Qëllimi i këtij takimi me karakter pune, ishte koordinimi i punëve të përbashkëta rreth realizimit të projekteve kapitale në rajonin e Luginës së Preshevës, nga ana e Agjencisë “Tika”.
Me këtë rast delegacioni kosovar ka vizituar edhe Shkollën Fillore “Muharrem Kadriu” , objekti i së cilës është ngritur me ndihmën e Agjencisë “Tika”, nga Turqia.
Myftiu Nexhmedin ef. Saqipi, ftohet nga organizata “Liza”, që në prill, të këtij viti, të takohet me përfaqësuesit fetarë dhe shtetërorë të Turqisë.
Myftiu Saqipi, falënderon misionin bamirës të organizatës “Liza”, dhe drejtuesin e saj Mensur Morina, për angazhimet e sinqerta që po tregojnë për ta ndihmuar Luginën e Preshevës, me projekte të ndryshme, të cilat do të ndikonin në përparimin e këtij rajoni, duke u dëshiruar suksese në rrugën e bashkëpunimit dhe bashkëveprimit të ndërsjellë./ Lugina Press/
Komuna e Bujanocit siguron një kamion për mbledhjen e mbeturinave
Nëpërmjet faqes zyrtare të komunës së Bujanocit, është bërë e ditur së administrata komunale ka siguruar një kamionë për mbledhjen e mbeturinave.
“Për nevojat e Komunalisë, Komuna e Bujanocit ka siguruar një kamion të ri me vlerë prej afër 8 milionë dinarëve i cili do të shërbejë për grumbullimin e mbeturinave. Kapaciteti prej 7m3 që ofron ky kamion do të krijojë mundësinë e inkuadrimit edhe të vendbanimeve tjera në sistemin e grumbullimit të mbeturinave” – thuhet në publikimin zyrtar të komunës së Bujanocit.
Siç mësohet, tanimë rreth 80% e të gjitha vendbanimeve të komunës së Bujanocit do të futen në procesin e mbedhjes së mbeturinave, me ç’rast, do të elimonohen shume deponi të egra ilegale.
SHKMT “Jehona” jehoi me orën letrare në Zvicër
Në studio “Syri Blu”, të Zvicrës, SHKMT “Jehona”, organizoi një orë letrare me krijues nga diaspora dhe vendlindja.
Orën letrare e konsideroi të hapur kryetari i shoqatës, Musa Salihu, i cili rreth vetes kishte poetë e krijues, të cilët kanë bërë emër edhe në Zvicër, si dr. Llukman Halili, Vaxhid Xhelili, Arif Osmani, Murat Avdiu, Rafet Ademi etj.
Ora letrare u përshkua me muzikë e ekspozitë fotografishë.
SHKMT ” Jehona”, është një shoqatë kulturore e krijuar nga tërnocasit, e cila aktivitetin e shtrinë në Zvicër dhe po krijon ura bashkëpunimi me vendlindjen.
Ndonëse “Jehona” është e re, në rrugën e saj, ajo ka filluar të shënoj hapa pozitiv në promovimin e vlerave kulturore në diasporë dhe vendlindje, duke qenë një zëdhënëse e shpirtit kulturor të shqiptarëve në vendlindje e diasporë/ Lugina Press/
Rubrika “ Pasqyra javore “ mbështetet nga Ministria për Kulturë dhe Media e Republikës së Serbisë. Shkrimet e botuara në këtë rubrikë nuk paraqesin politikat e kësaj ministrie.