Në Solothurn të Zvicrës dje u bë promovimi i librit “FLETRIMI I FJALËS“, Monografi për Sender Gashin të autorit Zaim Haliti, raporton Lugina Press.
Në ambientet e TV “Syri Blu” dje në Solothurn të Zvicrës,u bë promovimi i librit “FLETRIMI I FJALËS“, Monografi për Sender Gashin të autorit Zaim Haliti.
Organizator dhe mikëpritës ishin Shoqata tërnovcase “Agimi” me seli në Zvicër dhe Instituti Helvetik po ashtu me seli në Zvicër. Fjalën e rastit dhe hapjen e këtij manifestimi e bëri Kryetari i shoqates “Agimi” , Xhemail Ibrahimi.
Ndërkohë të pranishmit i përshëndeti Dr. Llukman Halili nga Tërnoci por që jeton dhe vepron në Zvicër. Halili me këtë rast foli për rëndësinë dhe vlerën e monografisë.
Impozante e këtij manifestimi ishte edhe pika muzikore me violinë që e luajti Skender Betim Gashi, i riu i cili me këndimin e himinit me violinë i mahniti të pranishimit.
Programin e udhëhoqi Dashnim Hebibi i cili e lexoi edhe një poezi autoriale të Skender Gashit.
Zaim Haliti, autor i librit foli për vlerën letrare dhe artistike të monografisë. Për nevojën e kësaj monografie si dhe për ndihmat profesionale të bashkëpunëtorëve të kësaj monografie. Analizoi vlerën letrare të poezive të Skender Gashit, kontributin e tij në kulturën dhe zhvillimin e saj në Bujanovc e rrethinë.
Nehat Saliu dhe Nexhmedin Saqipi folën për nevojën e bashkëpunimit kulturor në mes mërgatës dhe Revistës “Jehona” dhe për bashkëpunime të llojllojta në leminë e kulturës, informimit dhe lëmive të tjera. Para fjalës përbyllëse të këtij manifestimi një poezi e lexuar nga Nasuf Saliu e zgjedhur nga repertoari poetik i Skender Gashit ishte mjaft domethënëse.
Fjalën faliminderuese për këtë manifestim në emër të familjes Gashi e tha Betim Skender Gashi i cili e paralajmëroi edhe një promovim në pjesën e dyte të muajit Gusht për këtë libër i cili do të mbahet në Bujanovc.
Në fund të manifestimit ishte një koktej rasti që e sponzoroi Dr.Dërgut Aliu pronari i spitalit Lindja në Prishtinë, shok dhe nxënës i Skender Gashit.
E vecanta e këtij manifestimi kulturor ishte edhe darka e përbashkët e të pranishmëve ku ishte një darkë alla ternovcase me plot plane e dëshira për një bashkëpunim në vijim./Lugina Press/













