Drejtori i Riinvestit, Lumir Abdixhiku, ka treguar për kriteret të cilat s’janë përmbushur nga Qeveria e Kosovës për liberalizim vizash.
“Për secilin me interes, sipas raportit të Komisionit Evropian Kosova i ka plotësuar 70 nga 78 kriteret e domosdoshme. Pa plotësimin e 8 kritereve të mbetura nuk do të ketë vendim për liberalizim të vizave. Çështja është, pse nuk u plotësuan të gjitha kriteret që të kishim vendim për heqje vizash sot”, ka thënë ai.
Kriteret e plotësuara:
– 7 nga 7 kriteret për riatdhesimin;
– 2 nga 3 kriteret për riintegrimin;
– 8 nga 9 kriteret për sigurinë e dokumenteve;
– 14 nga 15 kriteret për menaxhimin e kufijve;
– 6 nga 7 kriteret për azil-kërkim;
– 12 nga 15 kriteret për luftën kundër korrupsion;
– 11 nga 11 kriteret për fuqizimin e ligjit;
– 3 nga 3 kriteret për sigurinë e të dhënave;
– 7 nga 8 kriteret për lëvizje të lirë.






