Kryesia e Klubit Futbollistik “Tërnoci” ka vendosur të përkujtoj Rexhep Adilin i cili gjithë jetën ia kushtoi ngritjes dhe zhvillimit të futbollit.
Në njoftimin e klubit Tërnoci thuhet se kryesia e KF “Tërnoci”, lojtarët, bashkëvendësit dhe të gjithë sportdashësit, do të përkujtojnë njeriun i cili gjithë jetën ia kushtoi sportit i cili tashmë Tërnocin ka bërë qendër rajonale të talenteve në futboll”.
Me këtë rast, kryesia ka vendosur që pjesë e agjendës së ditës së mërkurë më 30 prill 2014 të jetë vizita dhe vendosja e kurorave tek varri i të ndjerit dhe ndeshja miqësore tradicionale që do të zhvillohet prej orës 13:30 në stadiumin e KF “Tërnoci”. Mysafir do të jetë KF “Galaksia” nga Gjilani.
Në njoftim, thuhet se pjesëmarrja e qytetarëve do të jetë një nder për familjen Adili, për KF Tërnocin dhe veprën e të ndjerit Rexhep Adilit.
Ndeshja e cila ishte paraparë të zhvillohej më 17 prill, është shtyrë për të mërkurën më 30 prill për shkak të motit me të reshura të dendura të shiut. /Lugina Press/






