Kryesia e ngusht e Partisë Demokratike në Bujanoc së bashku me kryetarët e nëndegëve të kësaj partie kanë mbajtur sot takimin e radhës në të cilin është biseduar për rrjedhat e fundit në këtë rajon.
Në takimin e kryesisë së ngushtë të PD-së është biseduar rreth parregullsive të zgjedhjeve parlamentare të 16 marsit të këtij viti. Me këtë rast Partia Demokratike kanë ardhur në përfundim se në zgjedhjet parlamentare të 16 marsit janë mbushur kutitë ashtu si në kohën e Millosheviqit në Podujevë dhe Kaçanik.
Po ashtu në takim është diskutuar edhe për zgjedhjet brenda partiake të cilat do të mbahen së shpejti për shkak të interesimit të madh të anëtarëve të rinjë.
Ndërkohë pas dikutimeve të gjata Partia Demokratike erdhi në përfundim se elektorati i sajë nuk ka lëvizur por ka rritje nëpër shumë nëndegë dhe është e gatshme për zgjedhjet e reja lokale kur do që të mbahen ato./LuginaPress/






