Sekretari i Këshillit të Bashkësisë Islame(KBI) në Preshevë pranë BIPBM-së , Jeton Osmani ka uruar muajin e shenjtë të Ramazanit
Osmani me këtë rast ka falënderuar Allahun e lartëmadhëruar që edhe këtë vit na ka bërë të mundur të arrihet muaji i madhërishëm.
“Nesër fillon muaji i bekuar i Ramazanit. Ramazani është muaj i pendimit, muaj në të cilin veprat e mira shumëfishohen, andaj punoni që të fitoni shumë shpërblime, punoni që të shpëtoni veten tuaj nga zjarri, pendohuni, ngase Allahu i do të penduarit” ka thënë mes tjerash ai. Osmani po ashtu ftoi për paqë e solidaritet mes besimtarëve të luginës dhe më gjërë.
