Gjatë ditës së sotme është mbajtur konferenca “Paqe e drejtë, paqe e qëndrueshme”, ku pjesëmarrës ishin ish presidentët nga Shqipëria dhe Kosova, Alfred Moisiu dhe Fatmir Sejdiu, si dhe ish Kryetari i Kuvendit të Kosovës, Jakup Krasniqi.
Në konferencë pjesëmarrës ishte edhe kryetari i komunës së Bujanocit Shaip Kamberi,
Gjatë fjalimeve të tyre ata bën apel për paqe dhe stabilitet në rajon, njofton Klan Kosova.
Moisiu faktorin e paqes ndër shqiptare dhe në rajon e vlerësoi si një element thelbësor për zhvillim dhe avancim të mëtutjeshëm.
“Sundimi i ligjit dhe paqja ndërfetare duhet të jetë ajo çka duhet të fokusohen shqiptarët” ka thënë Moisiu.
Në lidhje me gjuhën e cila përdoren aktualisht në kuvende, ish presidenti i Kosovës, Fatmir Sejdiu, bëri apel për debat sa më paqësor.
“Gjuha dhe elokuenca është elementi më i fortë që çon në zgjidhje të drejtë paqësore, për të fuqizuar një paqe të drejtë” deklaroi Sejdiu.
Ndërsa, ish kryekuvendari Jakup Krasniqi, theksoi që Serbia ende po vazhdon retorikën e mëhershme të kërcënimit të paqes dhe stabilitetit në rajon.
Ndër të tjera, si një ish pjesëmarrës i luftës në UÇK , Jakupi tha që luftën nuk e zgjedh askush si opsion, por i përgjigjet asaj kur nxitet nga dikush tjetër me qëllim të garantimit të paqes.







