Shoqata Kulturore”Dituria” në Bujanoc, gjatë ditës së sotme ka zhvilluar një takim me semimaturantët e shkollës fillore”Muharrem Kadriu”në Tërrnovc.
Aktivistët e Shoqatës Kulturore “Dituria”, nxënës të Shkollës së Mesme “Sezai Surroi” në Bujanoc, para semimaturantëve diskutuan rreth orientimit në karrierë apo regjistrimin në shkollën e mesme.
Drejtori i shkollës fillore “Muharrem Kadriu” në Tërrnovc, Naser Zairi, me këtë rast i shprehi mirëseardhje aktivistëve të shoqatës”Dituria”, e ndërkaq nxënësve i dëshiroj suksese në përzgjedhjen dhe drejtimin ku tani ata duhet të vendosin për të vazhduar shkollimin e mesëm.
Ndërkaq semimaturantët i përshëndeti dhe koordinatori i shoqatës”Dituria”, Blerim Iseni i cili duke i dëshiruar suksese atyre i ofroi bashkëpunim dhe mundësi që të jenë aktivist të diturisë kur të jenë nxënës të shkollës së mesme.
Ndërkohë aktivitët e diturisë të cilët janë dhe nxënës të shkollës së mesme”Sezai Surroi” i informuan semimaturantët rreth drejtimeve që posedon ajo shkollë si drejtimin e mjekësisë,gjimnazit të përgjithshëm, ekonomisë, makineri dhe elektro./Lugina Press/
Ky ishte diskutimi i dytë që zhvilluan aktivistët e deturisë me semimaturntët në shkollën fillore “Muharrem Kadriu”, në fshatin Tërnoc ndërkaq takimi i parë ishte në shkollën fillore “Naim Frashëri” në Bujanoc.









