“Besojmë se nuk janë shterur mjetet politike në mes shqiptarëve dhe maqedonëve, që të shikohen përmes grykës së pushkës. A nuk u ngopëm luftë, konflikte, eksod, shkatërrime masive në njerëz e prona, që akoma na rrinë të freskëta në mendjet dhe zemrat tona. Rasti i Kumanovës, nuk dallon shumë nga ato raste, që edhe në Luginë të Preshevës, i përjetuam e pasojat e tyre akoma nuk po mund t’i heqim. Pa u tharë mirë plagët e përgjakshme të një të kaluare jo fort të largët, disa dëshirojnë të na i përtërijnë. Shqiptarët dhe maqedonët, si dy popuj shtetformues të Maqedonisë, duhet ta gjejnë një “Modus Vivendi”, për ta nxjerr shtetin e tyre nga qorrsokaku politik e kolapsi ekonomik. Ata vetë duhet të merren vesh se sit a drejtojnë vendin, duke marrë përsipër modelet e shteteve me demokraci të zhvilluar. Marrëveshja e Ohrit, duhet të implementohet në tërësi, në mënyrë që shqiptarët ta kthejnë besimin te institucionet dhe të punojnë për zhvillimin dhe afirmimin e proceseve integruese evropiane”, ka thënë kreu i BIPBM-së, Nexhmedin Saqipi.
Ai, gjithashtu, bëri apel tek liderët vendorë dhe të jashtëm, që të përmbahen nga deklaratat e tyre luftënxitëse, në mënyrë që problemi i shqiptarëve në Maqedoni, siç u shpreh ai, të zgjidhet në mënyrë të qetë, ngase ky vend fqinjë duhet të jetë me shqiptar.






