Mendushe Arifi nxënëse e klasës së katërt të shkollës fillore “Muharrem Kadriu” nga Tërnoci i Bujanocit, ka përshkuar poezinë e saj kushtuar komandantit “Adem Jashari’ në librin e vizitorëve në Prekazin Legjendar.
Sikur të gjithë nxënësit ashtu edhe ata të shkollës fillore “Muharrem Kadriu” nga Tërnoci i Bujanocit kanë realizuar ekskursionin i cili është i paraparë në planin dhe programin e arsimit fillorë.
Nxënësit e klasëve të katërta të shkollës fillore “Muharrem Kadriu” kësaj here për destinacion në ekskursionin e tyre, kishin për vizitë kompleksin “Adem Jashari” në Prekaz.
Edhe pse ishin nxënës të ciklit të ulët, ata në Prekazin legjendar lanë përshtypje dhe gjurmë të mëdha si tek drejtuesit e kompleksit por edhe tek vizitorët e tjerë nga Kosova.
Fillimisht me të arritur në Kopleksin “Adem Jashari” në pritje i doli Ciceroni Rifat Bejta i cili me të kuptuar se ishin nxënës nga Tërnoci me kënqësi të veçantë i shprehi një mikpritje të ngrohtë duke thënë: Mirë se keni ardhur të dashurit e mi nga vendi i shokut dhe mikut tim Ridvan Qazimi, ejani nagse ju jeni musafir të vaçant për ne ngase Tërnoci ka bërë shumë për Prekazin dhe Kosovën në përgjithësi.
Fillimisht Ciceroni Bejta u sqaroi nxënësve për historikun dhe rezistencën e familijes Jashari, ai tha se familja jashari tashmë po shkon drejt rritjes së saj dhe se emrat e tyre janë duke u përtrirë.
Ndërkohë nxënësit e shkollës filllore “Muharrem Kadriu” lanë mbresa të thella në zemrën e ciceronit por dhe të gjithë vizitorëve, me poezitë dhe këngët kushtuar Adem Jashari e Ridvan Qazimi.
Poezitë këto që për një çast ofruan rreth vete vëllezër nga Lugina dhe Kosova, poezi këto të cilët morrën duartrokitje të shumta.
Mendushe Arifi ishte njëra nga nxënëset shkollës fillore “Muharrem Kadriu” e cila bëri që Ciceroni të propozoi që poezia e saj të evidentohet në Librin e Vizitorëve në Prekaz.
Mendushe Arifi është nxënëse e klasës së katërt në shkollën fillore “Muharrem Kadriu” në Tërnoc, dhe është njëra nga nxënëset e dalluara në klasën të cilën e drejton mësuesi shumë vjeçar Muharrem Xhemaili e cili me përcjelljen e kësaj gjenerate do të merrë epitetin veteran i arsimit, ngase pas pak do të kalon në pension, por kujtimet nga nxënësit do ti bartë me vete gjatë tërë jetës./Lugina Press/













