Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, gjatë vizitës zyrtare në Luginë të Preshevës takoi drejtorin e Shtëpisë së Kulturës në Bujanoc Jetmir Ismailin.
Në këtë takim drejtori Ismaili i ndau mirënjohje z.Hotit për kontributin e dhënë për ruajtjen e vlerave kulturore në Komunën e Bujanocit.
Gjatë ditës së sotme Koordinatori Hoti nënshkroi memorandum bashkëpunimi me kryetarin e Komunës së Bujanocit Shaip Kamberi dhe me kryetarin e Komunës së Preshevës Shqiprim Arifin.
Hoti gjithashtu takoi dhe liderët politik të Luginës së Preshevës.






