Kryetari i komunës së Bujanocit, Shaip Kamberi, priti sot në takim një delegacion të Odës Ekonomike të Sërbisë të kryesuar nga zv/menaxheri gjeneral Mihailo Vesovic dhe drejtori për mardhënie ndërkombëtare pranë Odës Ekonomike Nenad Gjurgjeviç.
Temë e rëndësishme e këtij takimi ishte edhe përfshirja e përfaqësuesve të biznesit nga Bujanoci në forumet të cilat do të zgjidhen në kuadër të Odës ekonomike të përbashkët Shqipëri – Sërbi.
Në takim mori pjesë edhe përfaqësuesi i kësaj Ode i angazhuar për Bujanoc, Lulzim Rashiti.
Biznesi i komunës së Bujanocit do të asistohet, përkrahet dhe promovohet në mënyrë më të mirë të mundshme u tha në takim./Lugina Press/







