Të shtunën, më 2 prill, Rinia e PVD organizoi 2 aksione simbolike, ku u shpreh kundër degradimit të kulturës dhe familjarizmit në Komunën e Preshevës, raporton preshevapress.com .
Në Shtëpinë e kulturës dhe në sheshin kryesor në Preshevë u vendosën pankartat “KJO ËSHTË SHTËPIA, KU ËSHTË KULTURA? dhe VILLA MUSTAFA”.
Kryetari i Forumit Rinor të PVD Leart Hajrullahu tha: “Këto pankarta paraqesin shkatërrimin e kulturës në vendin e kulturës dhe kapjen e komunës nga familja Mustafa. Ky aksion na e bën të qartë se institucionet duhet të jenë të ndara dhe shumë të pavarura, pa interese politike. Në vend që të këmi një kultur të mirëfillt ajo fundoset nga udhëheqësi i saj.
Ragmi Mustafa po mundohet të e familjarizojë komunën, duke e degraduar me pretekstin mustafian.”








