Home Aktuale EULEX-i përfshihet edhe në një tjetër skandal

EULEX-i përfshihet edhe në një tjetër skandal

916
0
SHARE

Misioni i EULEX-it përfshihet edhe në një skandal tjetër. Dy ish-pjesëtarë të këtij misioni, Romuald Pichard dhe prokurorja Isabella Arnal, pritet të hetohen për afërsinë e tyre me politikanë të fuqishëm kosovarë, të cilët dyshohet të kenë orkestruar aktakuzën kundër ish-ministrit të Transportit, Fatmir Limaj.

Bëhet fjalë për rastin e MTPT-së, në të cilin Fatmir Limaj akuzohet për krim të organizuar dhe korrupsion, raporton KTV.

Pichard, që ka qenë këshilltar i ish-shefit të EULEX-it, dyshohet se ka pasur lidhje të afërta me njerëz të PDK-së, përkatësisht me kreun e Shërbimit Informativ të Kosovës, Kadri Veseli.

Për përpilimin e dosjeve me pretendime të pavërteta, në rastin e Ministrisë së Transportit, do të hetohet edhe prokurorja Isabelle Arnal.

LEXO PO ASHTU: Limaj: SHIK-u me dy francezë më çuan në burg

Për këto ka folur publikisht edhe i akuzuari Fatmir Limaj, i cili ka thënë se është i gatshëm t’ua ofrojë të gjitha dëshmitë hetuesve të EULEX-it për të dy këta persona, transmeton Koha.net.

Por, pretendimet e Limajt nuk preferon t’i komentojë Misioni Evropian për Sundim të Ligjit EULEX. Ky mision është izoluar pas skandalit të denoncuar nga prokurorja Maria Bamieh.