Këngëtari shumë i dashur për publikun tonë Ermal Fejzullahu, ka shpalosur shumë detaje për jetën e tij. Në një intervistë për gazetën Tribuna, ndër të tjerash ai ka theksuar së është dembel dhe po shëndoshet shumë.
Tribuna: Si e kujtoni fëmijërinë tuaj me pak fjalë?
Fejzullahu: Një fëmijëri shumë e lumtur, e për këtë i falënderohem dy prindërve të mi.
Tribuna: Cili është libri dhe filmi që ju kanë lënë më së shumti përshtypje?
Fejzullahu: Libri nuk po më kujtohet, ndërsa për film nuk di cilin ta cek sepse shikoj shumë filma dhe nuk po më kujtohet cilin kisha mundur ta veçoj.
Tribuna: Cili është gjësendi më i shtrenjtë në dollapin tuaj?
Fejzullahu: Nuk i vlerësoj gjërat sipas çmimit, me rëndësi është të më pëlqej diçka dhe ajo ka vlerë për mua.
Tribuna: Cila është e meta juaj më e madhe?
Fejzullahu: E meta ime më e madhe është dembelia.
Tribuna: Çfarë vëren fillimisht të një femër?
Fejzullahu: Fillimisht vërej thjeshtësinë tek shumë persona.
Tribuna: Cilëve tipa të njerëzve u ikni?
Fejzullahu: Tipave që gënjejnë dëshiroj t’u ik.
Tribuna: Hobi juaj i preferuar?
Fejzullahu: Hobi im i preferuar është ecja në mal, pasi që muzika më është bërë profesion.
Tribuna: Çfarë mund të ju nervozoj në moment?
Fejzullahu: Njerëzit që flasin me ton të lartë.
Tribuna: Kur keni kërkuar për herë të fundit ndihmë?
Fejzullahu: Ndihmë për herë të fundit kam kërkuar para disa jave kur kam pasur një incident me automjet, diçka tjetër nuk po më kujtohet.
Tribuna: Cila është frika juaj më e madhe?
Fejzullahu: Frika ime më e madhe dhe e vetme është Zoti.
Tribuna: Pa çfarë nuk dilni kurrë nga shtëpia?
Fejzullahu: Nuk dal asnjëherë pa çelësa të kerrit sepse përtoj të ec në këmbë.
Tribuna: Çfarë i thoni më së shpeshti vetes kur shikoheni në pasqyrë?
Fejzullahu: I them që je shëndoshur shumë.
Tribuna: Kur për herë të fundit keni hipur në trafik urban?
Fejzullahu: Në trafik urban ka kohë që nuk kam hipur, ka vite e vite.
Tribuna: Nëse i kishit fituar në lotari 1 milion euro ku i kishit shpenzuar më parë?
Fejzullahu: Nëse i kisha fituar 1 milion euro gjysmën i kisha ndarë për familjet skamnore familjeve të dëshmorëve ndërsa pjesën tjetër me familjen time.
Tribuna: Destinacioni i juaj i ëndrrave?
Fejzullahu: Destinacioni im i ëndrrave është Bora Bora.
Tribuna: A bëni punë shtëpie (meshkujt)?
Fejzullahu: Jo asnjëherë nuk bëj punë shtëpie.






