Home Aktuale Në Bujanoc mbahet ekspozita “Sanxhaku i Nishit nëpër shekuj”

Në Bujanoc mbahet ekspozita “Sanxhaku i Nishit nëpër shekuj”

921
0
SHARE

Në shtëpinë e kulturës në Bujanoc,  historianët  e  komunës së Bujanocit kanë prezentuar   ekspozitën me fotografi  “Sanxhaku i Nishit nëpër shekuj” .

Në këtë ekspozitë kanë marrë pjesë përfaqësues intsitucional  nga  Bujanoci e Presheva, përfaqësues nga universiteti privat i Tetovës dhe qytetatar të tjerë.

I ftuar në ekspozitë ishte Ministri i kulturës në Kosovë Memli Krasniqi  por qeveria e Serbisë ka refuzuar kërkesën e Ministrit  Krasniqi për ta vizituar qytetin e Bujanocit ngase siç shkruan gazeta Express, Beogradi  ka konsideruar se prapa kësaj kërkese “fshiheshin motive tjera”.

Fotografitë e vendosura në korridorin e shtëpisë së kulturës në Bujanoc kanë paraqitur  historinë e shqiptarëve të cilët banonin  nëpër qytetet, Kurshumlia, Prokupla, Leskoci, Nishi e tj.

Me këtë rast Kryetari i komunës së Bujanocit, Dr.Nagip Arifi  në fjalën e tij  përshëndetëse ka përkrahrur  grupin e historianëve të cilët kanë  marrë iniciativë me hapjen e ekspozitës për ta njoftuar opinionin  për të kaluarën e shqiptarëve.

Muhamet Jashari  profesor i historisë i cili ka dhënë një kontribut të  çmueshëm në ruajtjen dhe kutivimin e vlerave kombëtare të historisë  shqiptare i cili është dhe   koordinator i këtij projekti ka thënë se të gjitha këto fotografi të cilat janë në ekpoizitë po e praraqesin    një kronologji për këtë territor të banuar me shqiptarë.dhe këto fotografi janë grumbulluar nga portale informative dhe medie të ndryshme.

Nërkaq Albulena Halili, zyrtare për hulumtime shkencore pranë Universitetit te Evropës Juglindore  theksoi  se kjo ekspozitë flet më shumë se 1000 fjalë tona dhe se kjo na jep forcë të përkulemi para të vërtetës sonë historike.

Përveç fotografive është nxjerrur dhe një broshurë në të cilën historianët e Bujanocit   kanë paraqitur një kronologji ngjarjesh shumë të rëndësishme të shqiptarëve të “Sanxhaku të Nishit”, ngjarje historike këto shumë domethënëse  për gjeneratat e reja shqiptare. Në këtë broshurë janë paraqitur   fakte historike e fotografi ku janë masakruar shqiptarët të titulluar “Komitat serb-Masakra”./LuginaPress/