Shoqëria Kulturo Artistike “Zëri i Luginës” nga Bujanoci ka prezentuar në “ Argjiro- Fest 2016 ” që është organizuar nga bashkia e Gjirokastrës në Shqipëri.
Në Gjirokastër është mbajtur Festivali Ndërkombëtar i Folklorit Argjiro- Fest 2016, një ndër eventet më të rëndësishme kulturore, artistike dhe turistike, i cili i mbajt për tre ditë me radhë në datat 30 shtator, 1 dhe 2 tetor.
Sivjet Festivali ka ardhur së bashku me Panairin Kombëtar të Artizanatit dhe Trashëgimisë si dhe Festën e Miqësisë.
Ky Festivali bashkoi 10 grupe nga vende të ndryshme të Ballkanit, Shqipëri, Kosovë së bashku me të gjitha trevat shqipëfolëse, Serbi, Mali i Zi, Turqi, Maqedoni, Bullgari, të cilët performuan duke përcjellë te të tjerët trashëgiminë në muzikë dhe valle.
Shoqëria Kulturo Artistike “Zëri i Luginës” nga Bujanoci u përfaqësua prej 25 vetave të cilët prezentuan program artistik burimor nga rajoni ynë./Lugina Press/








