Në shkollën e mesme “Sezai Surroi”në Bujanoc është organizuar turnir humanitar për ti ndihmuar maturantët e kësaj shkolle duke ia mundësuar shkuarjen në ekskursion dhe mbajtjen e mbrëmjes së maturës .
Maturantët e shkollës së mesme “Sezai Surroi” në Bujanoc me kushte jo të mira ekonomike as këtë vit nuk janë harruar nga shokët e tyre.
Përveç asaj që jemi mësuar të shohim duke i ndihmuar atyre duke shitur ëmbëlsira, këtë vit është organizuar edhe turnir humanitar.
Të gjithë ata nxënës të cilët dëshirojnë të kontribuojnë për maturantët ,këtë mund të bëjnë duke hyre për ti përcjellur ndeshjet futbollistike në sallën e edukatës fizike të shkollës së mesme “Sezai Surroi”.
Mjetet të cilët do të mbildhen nga hyrja e ndeshjeve iu dedikohen maturantëve.
Disa ndeshje janë zhvilluar gjatë ditës së sotme ndërsa do të vazhdojnë edhe ditëve në vijim. Ndaj ndihmoni një maturant duke shikuar një ndeshje futbollistike.







