Home Aktuale Veseli: Në qoftë se qetësohet opozita, sot jap dorëheqje

Veseli: Në qoftë se qetësohet opozita, sot jap dorëheqje

759
0
SHARE

Kryeparlamentari Kadri Veseli është shprehur i gatshëm të japë dorëheqje, në qoftë se kjo do ta qetësonte opozitën.

“Nëse zgjidhet çështja e Asociacionit dhe Demarkacionit, unë jam i gatshëm të jap dorëheqje menjëherë. Këtë e bëj vetëm për qetësim të situatës dhe për hir të shtetit dhe idealeve që kemi pasur për të”, tha ai.

Veseli tha se askush nuk i ndalon deputetët të futen brenda Kuvendit të Kosovës dhe se problem ka qenë tek pakot e peticionit.

“Nuk janë ndaluar deputetët të futen në Kuvend, por pakot në të cilat kanë ardhur aty është dashur të futen në skaner dhe ata kanë refuzuar. Këtu ka qenë pika ku janë përplasur”, tha Veseli, transmeton Koha.net.

Në pyetjen se pse u pengua dërgimi i peticionit të 200 mijë qytetarëve, Veseli tha se ne tashmë i kuptojmë lojërat politike.

“Peticioni dorëzohet në Zyrën për parashtresa të Kuvendit, në zyrë atë ditë nuk ka pasur askush. Unë nuk kam pasur asnjë njoftim për arritjen e peticionit. Peticioni nuk u fut në skaner”, tha ai.