Fatmir Matoshi u ka prezantuar një kronologji të angazhimeve të Komunës së Kamenicës për hapjen e këtij pikëkalimi dhe e ka vlerësuar marrëveshjen për të si të rëndësisë së veçantë për komunën.
Nënkolonel Mentor Shabani, ka thënë se është i rëndësishëm bashkëpunimi i Policisë me komunën për faktin se kërkesa është adresuar nga komuna. Në këtë drejtim ai ka kërkuar mbështetje nga sektori i kadastrit, gjeodezisë dhe pronësisë si dhe ka kërkuar që komuna të marrë në konsideratë ta mbështes në anën e logjistikës këtë pikëkalim kufitar duke mundësuar sigurimin e ujit, rrymës ose gjëra të tjera.
Policia e Kosovës është e përkushtuar që punët rreth ndërtimit të pikës kufitare të kryhen në një afat shumë të shpejtë, ka thënë nënkolonel Mentor Shabani.
Matoshi së bashku me zyrtarët e Policisë së Kosovës dhe përfaqësues të komunës së Kamenicës e kanë vizituar Kapinë ku kanë filluar matjet e terrenit për ndërtimin e objektit kufitar./rajonipress/






