Home Aktuale Shaip Kamberi takon Arbër Pajazitin

Shaip Kamberi takon Arbër Pajazitin

238
0
SHARE

Nëpërmjet një postimi në facebook, kryetari i Komunës së Bujanocit, njëherit i Partisë për Veprim Demokratik, Shaip Kamberi, ka takuar sot, kryetarin e Alternativës për Ndryshim në Bujanoc, Arbër Pajazitin.

Sipas njoftimit, Kamberi e Pajaziti, kanë biseduar për gjendjen aktuale në Bujanoc, të krijuar pas pandemisë COVID-19.

“Në takim përveç solidaritetit me situatën e krijuar u dakorduam që qytetarët janë shumë më shumë se sa votues dhe që jetërat e tyre janë shumë më shumë se sa bindje politike” – ka shkruar ndër të tjera Kamberi në facebook.

Më poshtë ju sjellim shkrimin e plotë të kryetarit Shaip Kamberi:

Situata e jashtëzakonshme, përpjekja për të ruajtur çdo qytetarë tonin dhe beteja kundër virusit që po rrezikon botën, është përtej dallimeve dhe bindjeve politike.

Ajo kërkon bashkëkoordinim, solidaritet dhe mirëkuptim të ndërsjellë.

Në këtë drejtim zhvillova takim me kryetarin e degës së APN-së në Bujanoc, Arbër Pajaziti.

Në takim përveç solidaritetit me situatën e krijuar u dakorduam që qytetarët janë shumë më shumë se sa votues dhe që jetërat e tyre janë shumë më shumë se sa bindje politike.

Luten qytetarët të rrespektojnë rregullat, të shtojnë kujdesin dhe të ulin panikun.

 

E Arbër Pajaziti ka shkruar:

Sot takova kryetarin e komunës së Bujanocit, Shaip Kamberin, i cili njëkohësisht është edhe komandat i Shtabit për Situata të Jashtëzakonshme.

Isha në zyren e tij. Diskutuam për gjendjen në komunën tonë si pasojë e virusit Covid -19.
I shpreha gatishmërinë e bashkëveprimit në çdo kohë për të tejkaluar sa me më pak pasoja këtë lloj pandemie.

Është koha që pa asnjë dallim politik ta dëshmojmë unitetin tonë.
Më tepër se kurrë kemi nevojë për njëri-tjetrin!