Home Aktuale Refugjatja në Gjevgjeli : Edhe unë jam njeri. Dua vetëm të kem...

Refugjatja në Gjevgjeli : Edhe unë jam njeri. Dua vetëm të kem jetë dinjitoze

132
0
SHARE
Konfliktet shumëvjeçare në vendet e Lindjes së Afërt, Afrikën Veriore dhe vendet aziatike ku akoma janë në vazhdim, kanë detyruar shumë banorë të këtyre vendeve, që të braktisin shtëpitë e tyre, familjet e tyre, kanë lënë punët, studimet dhe janë nisur drejt një rruge të panjohur, vetëm për të shpëtuar jetën dhe orvaten që vetes t’i sigurojnë një të ardhme pak më të sigurtë.
Refugjatët e këtyre vendeve nisen nga shtetet e tyre drejt Turqisë, prej ku me varka shkojnë në Greqi dhe vijnë në Maqedoni, e më pas vazhdojnë rrugën drejt Serbisë, për të vazhduar drejt vendeve të Evropës Perëndimore. Thuajse të gjithë dëshirojnë të shkojnë atje, sepse thellë besojnë se vetëm atje mund të gjejnë strehim, se do të kenë kushte më të mira dhe të kthejnë një faqe të re të jetës. Tregojnë, se duan një jetë ku do të trajtohen si njerëz, dëshirojnë të kenë mëngjese ku nuk do t’i zgjojë më zhurma e armëve të zjarrit.

Në qendrën e pranimit në Gjevgjeli mbërriti një grup i ri i refugjatëve. Në mesin e tyre, për shumë arsye veçohej 19 vjeçarja Fatima Hashimi nga Kabuli i Afganistanit. Në bisedën për Anadolu Agency (AA), për jetën e saj, ky udhëtim i vështirë dhe i lodhshëm thotë se nuk ka alternativa të tjera përveç se të luftojë për një të ardhme më të mirë, duke vendosur gjithçka në një çantë të vogël dhe të vetme, dhe me vendosmëri duke u nisur përpara, pa marrë parasysh sa është e vështirë, raporton Anadolu Agency

“Kam lindur në Iran, ndërsa kam jetuar në Afganistan. Atje e kam familjen. Në vendin ku kam jetuar nuk është gjendja fare e mirë për arsye të shumta, andaj dhe kam marr rrugën drejt Evropës“, deklaroi Fatimeja, duke folur për jetën e saj.

Ajo vazhdoi rrëfimin e saj për jetën plot paragjykime, por megjithatë me bindje se do të arrijë atë që dëshiron –të një të nesërme më të mirë.

“S’kam jetë të mirë, dua të shkoj në ndonjë vend tjetër, atje sikur nuk jam njeri, nuk mund të studioj, problemi qëndron aty se babai im është nga Irani, ndërsa nëna nga Afganistani. Në Iran nuk mund të marrë pasaportë. Prandaj doemos duhet të udhëtojë në ndonjë vend tjetër, sepse, në Iran nuk mund të martoheni me dikë nga Afganistani, për këtë shkak unë kam problem në familjen time“, deklaron e reja afgane, Fatimeja, duke përmendur problemet e shumta që e kanë shtyrë të niset në këtë rrugë të pasigurtë.

“Nuk kam mundur të studiojë, të punojë, nuk kam shtet, Irani nuk më dëshiron, Afganistani nuk më dëshiron. Dua nënshtetësi, që do t’më mundësojë të studiojë e të kem jetë të mirë“, thekson ajo.

Ndonëse ka vetëm 19 vjeç, Fatimeja është e vetëdijshme nga paparashikueshmëria e jetëve njerëzore në rrethana lufte. Prandaj thekson, se është e qëndrueshme dhe e vendosur se duhet të bëjë çmos për një jetë paksa më të mirë.

“Edhe unë jam njeri. Dua vetëm të kem jetë dinjitoze. Paramendoni, problemi është se nuk kam nënshtetësi, a nuk duhet ta ketë çdo njeri atë?, tregon Fatimeja.

Ajo më tej thekson se është e vetëdijshme se Evropa nuk i pret krah hapur myslimanët e vendeve në të cilat zhvillohet luftë, se qytetarët evropianë i shikojnë ata me shumë paragjykime, por kjo nuk mund ta parandalojë në synimin e saj.

“E di se të krishterët nuk i duan muslimanët, por kjo nuk është me rëndësi për mua, unë dua të orvatem dhe të bëjë çmos për të pasur një jetë më të mirë. Asgjë tjetër nuk më intereson. A nuk kam të drejtë të jetojë vetëm pse jam muslimane? Unë thjeshtë nuk kam zgjedhje tjetër, përveç se të tentojë dhe të realizojë dëshirën time“, thekson Fatimeja.

“Jam e palumtur, sepse jam vet. Me vete këtu nuk kam askënd. Por, shpresoj se shteti gjerman do t’më ndihmojë. E di se Allahu është me mua, prandaj jam e fortë dhe do të qëndrojë“, tregon me vendosmëri, Fatimeja Hashimi, 19 vjeçare nga Afganistani e cila nga Gjevgjelia, u nis drejt vendkalimit kufitar të Maqedonisë duke mos ia vënë veshin gjitha peripecive në rrugën e saj për një të nesërme më të mirë.