Home Aktuale Po “trokasin” zgjedhjet e reja

Po “trokasin” zgjedhjet e reja

574
0
SHARE

Partitë opozitare, në njërën anë janë unike në qëndrimet e tyre dhe në anën tjetër, unike është edhe PDK-ja dhe Hashim Thaçi. Nëse nuk gjinden shtigje për krijimin e qeverisë, që gjasat janë të vogla për dy blloqet, zgjedhjet e jashtëzakonshme do të vijnë shumë shpejt.

Blloku opozitar, të cilët janë bashkuar rreth humbjes së tyre dhe do të funksionojnë si grup i përbashkët parlamentar, kanë probleme serioze me kushtetutshmërinë e mandatarit dhe rregulloren e Kuvendit, të miratuar me 29 prill 2010.

Ndërsa, PDK-ja, e cila doli më e votuara në këto zgjedhje, ka probleme serioze me numrat për krijimin e Qeverisë.

Në ditën e konstituimit të Kuvendit, sipas rregullores së Kuvendit, grupet parlamentare duhet të shprehin vullnetin e shprehur në zgjedhje.

Ndërsa, shkrirjet e disa grupeve në një grup të vetëm, mund të bëhen vetëm pas seancës konstituive, përkatësisht pas zgjedhjes së organeve të Kuvendit.

Neni 8 i rregullores së punës, që parasheh përgatitjen e mbledhjes konstituive nga Kryetari i legjislaturës së mëparshme, pika 2, thotë: “Kryetari dhe Kryesia, jo më pak se pesë ditë para mbajtjes së mbledhjes konstituive të legjislaturës së Kuvendit thërrasin mbledhje të përbashkët me kryetarët e partive, që kanë fituar vende në Kuvend, për ta përgatitur propozimin e rendit të ditës për mbledhjen konstituive, për t’i caktuar vendet e deputetëve, përkatësisht të forcave politike në sallë, sipas fuqisë politike që kanë, sipas numrit të deputetëve të secilës forcë politike”.

Ndërsa, pika 3, thotë: “Nëse dy apo më shumë grupe parlamentare kanë numër të njëjtë të deputetëve, atëherë renditja e tyre bëhet me short”.

Me vet faktin që kryetari i mëparshëm i Kuvendit i thërret kryetarët e partive që kanë fituar vota, reflekton se këto parti konsiderohen bartëse të grupeve parlamentare.

Kjo konfirmohet edhe te pika 3 e këtij neni, ku i referohet me nocionin “grup parlamentar”.

Kjo do të thotë, se në ditën e konstituimit, nocioni “grup parlamentar” reflekton vetëm vullnetin e shprehur në zgjedhje dhe të gjitha partitë apo koalicionet e certifikuara, duhet të ulen sipas forcës politike, ashtu siç e kanë rezultatin nga zgjedhjet.

Në këtë kontekst, nocioni “grupi më i madh parlamentar”, i përmendur te neni 12 (Zgjedhja e Kryetarit dhe nënkryetarëve të Kuvendit), i referohet grupit më të madh në ditën e konstituimit.

Gjithashtu, pika 1 e nenit 12 e saktëson se seanca konstituive nuk mund të konsiderohet e mbyllur pa zgjedhjen e Kryetarit dhe Kryesisë së Kuvendit.

Ndërkaq, lëvizjet e deputetëve, përfshirë edhe shuarjen e grupeve parlamentare dhe bashkimin e dy apo më shumë grupeve janë të rregulluara me nenin 20, por të gjitha këto lëvizje mund të bëhen vetëm pas konstituimit të Kuvendit dhe organeve të tij.

Se si do të ecën procesi deri në konstituimin e Kuvendit dhe organeve të tij është shumë vështirë të parashihet, por i gjithë sistemi juridik dhe politik i Kosovës është i bazuar në parimin se duhet respektuar vullnetin politik të shprehur në ditën e zgjedhjeve.

E kjo mund të dëshmohet edhe me faktin, se në rast të votimit të ndonjë mocioni të votëbesimit ndaj Qeverisë, presidenti i Kosovës nuk kërkon që dikush tjetër të provojë të formojë qeverinë, por i shpallë zgjedhjet e reja.

E zgjedhjet e reja, që së bashku me fushatën elektorale dhe organizimin pritet të kushtojnë rreth 30 milionë euro në tërësi, po e presin përsëri Kosovën?! /Telegrafi/