Home LAJME Kujdes me heshtjen zgjedhore, edhe për një tag në Facebook PZAP iu...

Kujdes me heshtjen zgjedhore, edhe për një tag në Facebook PZAP iu dënon

10
0
SHARE

Kushdo që e njofton Panelin Zgjedhor për Ankesa dhe Parashtresa se ndonjë kandidat për deputet ka thyer heshtjen zgjedhore qoftë edhe duke ia bërë dikush tag (etiketim) në foto do të gjobitet. Për një tag në zgjedhjet e fundit lokale një aktiviste partiake ishte dënuar 300 euro

Alma Lama ishte dënuar në zgjedhjet e kaluara me 300 euro vetëm pse mbi foton e saj ishte bërë një etiketim (tag).

Ndërkohë, edhe pse ka filluar heshtja zgjedhore, disa kandidatë po vazhdojnë të publikojnë mesazhe që thërrasin për ndryshim. I fundit që e ka bërë këtë është kandidati i VV’së, Dardan Sejdiu, duke publikuar një poezi të Nolit, e cila thërret për ndryshime.

Ndërkohë, Alma Lama e pati cilësuar si të padrejtë vendimin e PZAP’it pasi kishte konstatuar se rrjetet sociale janë private e jo publike. Por, në fakt, rrjetet sociale edhe me vendime gjyqësore konsiderohen se janë hapësira publike pasi aty kanë qasje më shumë se dy persona si dhe rrjetet sociale janë formë e mediave.

“Dje u njoftova se Paneli Zgjedhor për Ankesa dhe Parashtresa, paska dënuar me gjobë LDK-në për shkak se unë kam publikuar një foto me deputeten Vjosa Osmani, gjatë ditës së zgjedhjeve (ne fakt e kam publikuar me 31 tetor por si duket kam pranuar ndonjë tag me 3 Nentor) në rrjetin social Facebook. Ankesa qenka bërë nga BIRN, me pretendimin e thyerjes së heshtjes zgjedhore, duke u mbështetur në nenin 36.1, pika b) të LZP-së që përcakton se “njëzetekatër (24) orë para hapjes së qendrave të votimit për hedhjen e votës e deri në mbylljen e tyre, subjekteve politike, mbështetësve ose kandidatëve të tyre u ndalohet bërja e fushatës në çfarëdo mënyre”, kishte sqaruar Lama, në atë kohë.